Хууль, эрх зүйн зөвлөгөөг үнэ төлбөргүй өгч байна

НЗДТГ-аас "Бүх нийтийн эрх зүйн боловсролыг дээшлүүлэх үндэсний хөтөлбөр"-ийн хүрээнд Монголын Хуульчдын холбоотой хамтран иргэдэд хууль, эрх зүйн үнэ төлбөргүй зөвлөгөө өгөх өдөрлөг зохион байгуулдаг. Энэ удаагийн өдөрлөгийг өнөөдөр буюу тавдугаар сарын 17-ны өдрийн 09:00-17:00 цагийн хооронд зохион байгуулна.

Иргэн та 75050801, 75050802, 75050803, 75050804 дугаарын утсаар холбогдож, мөн Нийслэлийн Үйлчилгээний нэгдэн төвүүдээс иргэний эрх зүй, захиргааны эрх зүй, эрүүгийн эрх зүй болон гэр бүл, гэрээний эрх зүй зэрэг сэдвээр хууль, эрх зүйн үнэ төлбөргүй зөвлөгөө, мэдээлэл авах боломжтой.

Тус өдөрлөгийг зургаа дахь жилдээ сар бүрийн гурав дахь долоо хоногийн лхагва гарагт тогтмол зохион байгуулж байна.