Ховор очир эрдэнэ олборложээ

Ботсван улсад үйл ажиллагаа явуулдаг "Lucara Diamond" компани 378 каратын ховор очир эрдэнийг Карове уурхайгаас олборлов. Энэ нь өнөө жил уг компанийн олборлосон хоёр дахь том алмас бөгөөд энэ сарын дундуур тэндээс 341 каратынхыг олсон аж. Тус компанийн гүйцэтгэх захирал Эйра Томасын хэлснээр хоёр очир эрдэнэ нь "чанарын хувьд өөгүй" гэнэ. Карове уурхай нь том алмасаараа алдартай ба 2015 онд 1109 каратынхыг, 2019 онд түүхэн дэх хамгийн том буюу 1758 каратынхыг олборлосон удаатай.