Бокс оффис 04.22

Өнгөрсөн долоо хоногт АНУ-ын кино театруудад хамгийн өндөр ашиг орлоготой байж эхний аравт эрэмбэлэгдсэн кинонуудыг танилцуулья.

1. “42”

Долоо хоногт-27.5 сая Нийт-27.5 сая

Найруулагч Брайн Хелгеланд өөрөө киноныхоо зохиолыг нь бичиж найруулсан ба гол дүрд нь Чадвик Босеман, Харрисон Форд, Николье Бихари нар тогложээ.

Бэйсболын Брукклин Доджерс багийн алдарт тоглогч Жекки Робинсоны бодит түүхээс сэдэвлэн энэхүү спорт, драм жанрын киног хийсэн байна. Legendary Pictures болон Warner Bros Pictures-ын хамтын бүтээл болно.

Киноны зардал 40 сая доллар бөгөөд одоогоор дэлхий даяар 41 сая долларыг хэдийнэ олоод байна.

2. “Scary Movie 5”

Долоо хоногт-14.2 сая Нийт-14.2 сая

“Хамгийн аймшгийн кино” нэрээр хэдийнэ танил болсон инээдмийн киноны тав дахь цуврал дэлгэцнээ гараад удаагүй ч бокс оффист жагсаж эхэллээ.

Найруулагч Мальколм Ди Лигийн ээлжит бүтээл “Scary movie 5”-д Эшли Тисдэйл, Саймон Рекс, Эрика Эш, Молли Шэннон нарын залуу жүжигчид тогложээ.

Чарли Шин, Линдсей Лохан нар ч энэ кинонд ээлжит дүрээ бүтээсэн байна.

Brad Grey Pictures болон Dimension Films, The Weinstein Company нарын бүтээл.

3. The Croods 2013

Долоо хоногт-13.1 сая Нийт-142 сая

Хоёрдугаар сард Берлиний кино наадмын үеэр анх үзэгчдэд толилуулж байсан анимэйшн нээлтээ хийгээд дөрөв дэх долоо хоногтоо явна.

Dream Works Animation, 20th Century Fox кино компаниудын бүтээл энэхүү хүүхэлдэйн кинонд алдарт Николас Кейж дуу оруулсан юм.

4. G.I. Joe: Retaliation

Долоо хоногт-10.9 сая Нийт-103 сая

Хятад гаралтай Жон.М.Чу найруулагчийн G.I. Joe: Retaliation хэмээх киноны гол дүрд Дуэйн Жонсон, Брюс Уиллис, Биун Хун Ли, Чаннинг Татум нар гол дүрд нь тогложээ.

GI Joe цувралын ээлжит ангийг Paramount Pictures, Metro Goldwin Mayer бүтээсэн байна.

5. Evil Dead

Долоо хоногт-9.49 сая Нийт-41.5 сая

Аймшгийн төрөл жанрын энэхүү кино Tristar Pictures болон найруулагч Фиде Алварезийн бүтээл юм.

6. Jurassic Park 3D

Долоо хоногт-8.8 сая Нийт-389 сая

Домог болсон “Юрийн галвын хүрээлэн кино” гурван хэмжээст ертөнцөд ирлээ.

Домогт найруулагч Стивен Спилбергийн бүтээл энэхүү киног мэдэхгүй кино сонирхогчид үгүй байхаа.

1993 онд кино театруудад тэсрэлт хийж байсан динозавруудын ертөнц ийнхүү 10 жилийн дараа эргэн ирж байна.

7. Olympus Has Fallen

Долоо хоногт-7.2 сая Нийт-81 сая

Экшн, триллер жанрын энэхүү киногоор “300”-гийн дайчин Жерард Батлер фэнүүдтэйгээ уулзаад байгаа.

Найруулагч Антони Фукуагийн энэхүү киноны гол дүрд Морган Фримэн, Аарон Экхарт тоглосон байна.

70 сая долларын зардлаар хийгдсэн уг кино өдгөө АНУ-д 81, дэлхий даяар 89 сая долларыг хэдийнэ олоод байна.

8. Oz the Great and Powerful

Долоо хоногт-4.8 сая Нийт-219 сая

Үлгэрийн ертөнцийн адал явдлаар дүүрэн энэхүү кино хоёрдугаар сарын 14-нд нээлтээ хийсэн ч одоог хүртэл бокс оффисын эхний аравт багтсаар байгаа.

Киноны найруулагчаар Сэм Райми ажиллаж, гол дүрд нь Жеймс Франко, Мила Кунис, Рэчел Уэйц нар тогложээ.

Уолт Диснейн энэхүү бүтээл 130 минут үргэлжилдэг. АНУ-д 219 сая, дэлхий даяар 472 саяыг олоод байна.

9. Temptation: Confessions of a Marriage Counselor

Долоо хоногт-4.5 сая Нийт-45.4 сая

Энэхүү кинонд нэгэн гэрлэсэн эмэгтэйн ээдрээтэй амьдралыг харуулна.

Энгийн амьдралтай, бие биедээ хайртай хосууд аз жаргалтай сайхан амьдарна.

Нэг л өдөр эхнэрийнх нь ажлын хүрээлэлд тэрбумтан залуу орж ирнэ. Тэр залуугийн баян тансаг амьдрал, анхаарал халамж нь бүсгүйд таалагдаж, хайртай ханиасаа салж өнөөх залууг сонгоно.

Гэвч өнгө тансаг харагдах тэр амьдрал аз жаргалтайгаар удаан үргэлжлэхгүй.

Уг киноны гол дүрүүдэд Смоллеттом-Белл, Ким Кардашян, Ванесса Уильямс нар тоглож, найруулагчаар нь Тайлер Перри ажиллажээ.

10. The Place Beyond the Pines