Монгол Улс 5.2 сая тонн нүүрс экспортолжээ

Он гарснаас хойш тавдугаар сарын 18-ны байдлаар Монгол Улс нийт 5.2 сая тонн буюу 412 сая ам.долларын нүүрс экспортлоод байна. Энэ нь өнгөрсөн оны мөн үеийнхтэй харьцуулахад биетр хэмжээгээрээ 2.6 дахин буурсан дүн юм. Өнгөрсөн оны өдийд 1.1 тэрбум долларын үнэ бүхий 13.6 сая тонн нүүрс гаргасан байжээ.

Түүхий нефтийн экспортын хэмжээ мөн эрс буурсан байна. Тодруулбал, өнгөрсөн оны тавдугаар сарын 18-н гэхэд 2.4 сая тонн нефть экспортолсон бол энэ оны байдлаар 586 мянга буюу дөрөв дахин буурсныг Гаалийн ерөнхий газрын статистик илэрхийлж байна. 

Хүснэгт. Түүхий эдийн экспорт   

	20190518  (оны эхнээс)		20200518 (оны эхнээс)
Барааны нэр	тоо хэмжээ	статистик үнийн дүн, сая ам.дол.	тоо хэмжээ	статистик үнийн дүн, сая ам.дол.
Чулуун нүүрс, мян.тн	13,571.3	1,142.4	5,155.2	421.2
Төмрийн хүдэр, мян.тн	3,261.4	190.2	3,162.7	216.0
Зэсийн баяжмал, мян.тн	567.3	813.1	491.3	547.5
Жонш, мян.тн	189.8	66.5	217.7	55.9
Цайрын хүдэр, баяжмал, мян.тн	58.8	86.1	54.3	66.8
Хүрэн нүүрс, мян.тн	81.2	2.8	16.7	0.5
Хар тугалганы хүдэр, баяжмал, мян.тн	8.5	19.5	11.8	25.2
Молибдены хүдэр, баяжмал, мян.тн	2.3	20.3	2.4	16.5
Түүхий нефть, мян.баррел	2,428.0	138.2	585.7	22.7

Монгол Улсын экспортын нийт хэмжээ 1.8 тэрбум ам.доллар болж, өмнөх оны мөн үеэс 41.7 хувиар буураад байна.