Нэг өмгөөлөгчийн эрхийг хасчээ

Анх 1928-05-24 нд Олон ардад тусламж үзүүлэх бүлгэм нэртэй байгуулагдаж байсан өмгөөлөгчдийн холбоо өдгөө 85 дахь жилийнхээ ойг тэмдэглэж байна. Ойгоо угтах арга хэмжээг дурдвал:

1. Өмгөөлөгч ногоон байгаль аяан 2013 оны тавдугаар сарын 11-нд
2. Өмгөөлөгч нийгмийн сайн сайхны төлөө өдөрлөг 2013 оны тавдугаар сарын 24-ний өдөр болох бөгөөд энэ өдөр улс орон даяар өмгөөлөгчид ард иргэддээ эрх зүйн туслалцаа өгнө.
3. Эрүүл өмгөөлөгч явган аялал. Нийслэл хотод Богдхаан уулын “Баруун ширээтийн ам” руу явган аялал энэ сарын 25-иы өдөр хийх юм.
4. Өмгөөлөгчийн бие даасан, хараат бус байдал Олон улсын бага хурал болох юм. Уг хурал энэ сарын 27-ны өдөр “Кемписки” зочид буудлын хурлын танхимд ОХУ, БНХАУ, БНСУ, Япон, ХБНГУ-ын төлөөлөгчид, Монголын Өмгөөлөгчдийн Холбооны төлөөлөгчид оролцоно.
5. Баярын хурал, урлагийн тоглолт энэ сарын 28-ны өдөр болж ойн арга хэмжээ өндөрлөх юм.

Дашрамд дурдахад Өмгөөлөгчдийн сахилгын хороонд энэ оны байдлаар 120-130 гомдол ирсэн бөгөөд үүнээс нэг өмгөөлөгчийн эрхийг хасч хариуцлага алдсан өмгөөлөгчийг сануулга, тусгай зөвшөөрлийг хүчингүй болгох арга хэмжээ авчээ.

П.Нандинчимэг