Цахилгааны төлбөр авах хугацааг 10 хоног болгон өөрчилжээ

УБЦТС компани борлуулалтын орлогоо сайжруулах, эрчим хүчний салбарын эдийн засгийн чадавхийг дэмжих зорилгоор хэрэглэгчдээс төлбөр авах хугацааг ирэх сарын 1-ний өдрөөс эхлэн 15 хоног байсныг 10 болгонөөрчилжээ.

Тус компани хэрэглэгчдээ оршин суугаа дүүргийнх нь нутаг дэвсгэрээс нь шалтгаалан цахилгаан эрчим хүчний борлуулалтын 1, 2, 3, 4, 5, 6 дугаар циклд хувааж төлбөр хураах ажлаа явуулдаг. Тухайн хэрэглэгч аль циклд хамрагддагийг “Цахилгаан эрчим хүчээр хангах гэрээ”-д нь тусгайлан тэмдэглэж өгсөн байдаг аж.

Төлбөр төлөх хоног багассан нь бүх циклийн хэрэглэгчдэд хамаарах ба дараах хүснэгтэд заасан хугацаанд цахилгааны төлбөрөө төлөөрэй.

Хэрэглэгчдийн сар бүр цахилгааны төлбөрөө төлөх хугацаа

Цикл	Тоолуурын заалт авах	Нэхэмжлэх банкинд хүргэгдэх	Хэрэглэгч төлбөрөө төлөх	Сануулах, түдгэлзүүлэх мэдэгдэл хүргэх	Эрчим хүчний хэрэглээг түдгэлзүүлэх
I	1-5-ны өдрүүд	2-6-ны өдрүүд	6-15-ны өдрүүд	11-15-ны өдрүүд	16-ны өдрөөс
II	6-10-ны өдрүүд	7-11-ний өдрүүд	11-20-ны өдрүүд	16-20-ны өдрүүд	21-ний өдрөөс
III	11-15-ны өдрүүд	12-16-ны өдрүүд	16-25-ны өдрүүд	21-25-ны өдрүүд	26-ны өдрөөс
IY	16-20-ны өдрүүд	17-21-ний өдрүүд	21-31-ний өдрүүд	26-30-ны өдрүүд	1-ний өдрөөс
Y	21-25-ны өдрүүд	22-26-ны өдрүүд	26-5-ны өдрүүд	1-5-ны өдрүүд	6-ны өдрөөс
YI	26-30-ны өдрүүд	27-1-ний өдрүүд	1-10-ны өдрүүд	6-10-ны өдрүүд	11-ний өдрөөс