“Шилмэл мал-2013” үзэсгэлэн өнөөдөр өндөрлөнө

Хүй долоон худагт болж байгаа “Шилмэл мал-2013” үзэсгэлэн худалдаа өнөөдөр өндөрлөнө. “Намрын ногоон өдрүүд” үзэсгэлэнгийн хүрээнд болж буй тус үзэсгэлэн худалдааг ҮХААЯ, нийслэлийн Засаг даргын Тамгын газар хамтран Монгол Улсад мал эмнэлэг, үржлийн алба байгуулагдсаны 90 жилийн ойн хүрээнд зохион байгуулж байгаа юм.

Шүлхий гарсан аймаг болон хил залгаа хоёр аймгаас бусад бүх аймгаас 40 гаруй үүлдэр, омгийн 600 орчим мал, нийслэлийн дүүргүүдээс 20 орчим арвин шимтэй үнээ, гахай, шувуу, туулай үзэсгэлэнд оролцож байгаа аж. Мөн “Шилмэл мал-2013” үзэсгэлэнд нохдын үзүүлэх тоглолт болон гэрийн тэжээвэр амьдын үзэсгэлэн худалдаа болж байгаа юм.