ДАШТ-д амжилт үзүүлсэн эмэгтэйчүүд эх орондоо ирлээ

Унгар улсын нийслэл Будапешт хотын "Papp Laszlo Sportarena" спортын цогцолборт сонгомол барилдаан, эрэгтэй эмэгтэй чөлөөт бөхийн насанд хүрэгчдийн ДАШТ болж өндөрлөлөө. Тэмцээнд оролцсон эмэгтэй тамирчид өнөөдөр эх орондоо ирсэн юм.

2013 оны чөлөөт бөхийн ДАШТ-ий дүн

Унгар улсын Будапешт хот

2013 оны есдүгээр сарын 18-20

Эмэгтэй

48 кг 1. Эри Тосака /Япон, ДАШТ-ний мөнгөн медальт, Универсиад

наадмын аварга/

1. Карипо Кастилло /Венесуэль, ДАШТ-ний хүрэл медальт/

3. Алиса Лампе /АНУ, ДАШТ-ний хүрэл медальт, Пан

Америкийн аварга/

3. Хью Ченг /БНХАУ/

9. Цогтбазарын Энхжаргал /Монгол/

Манай бөх Гавьяат тамирчин Ц.Энхжаргал /"Замчин" спорт клуб/ эхний тойрогт украиний бөх Мария Ливачтай таарч 9:2, хоёрдугаар тойрогт камеруны бөх Ребека Ндоло Муамбог 8:1 онооны харьцаагаар хожиж гуравдугаар тойрогт венесуэлийн бөх Карипа Кастиллод цэвэр ялагдаж дагах барилдаанд хятадын бөх Хью Ченгтэй гар зөрүүлж 0:8 онооны харьцаагаар ялагджээ.

Энэ жинд 29 бөх барилджээ.

51 кг 1. Янан Сун /БНХАУ, ДАШТ-ний мөнгөн медальт, азийн аварга/

2. Эрдэнэчимэгийн Сумьяа /Монгол/

3. Со Сим Хьянг /БНАСАУ/

3. Анне Мария Жесика Макдональдс Бонди /Канад,ДАШТ-ний хүрэл медальт/

Манай бөх олон улсын хэмжээний мастер Э.Сумьяа /"Замчин" спорт клуб/ нэгдүгээр тойрогт хийлж хоёрдугаар тойрогт вьетнамын бөх Ти Луа Нгуенийг цэвэр дарж гуравдугаар тойрогт ДАШТ-ний хүрэл медальт, Азийн наадмын аварга, БНАСАУ-ын бөх Со Сим Хьянийг 4:4, 6:4 онооны харьцаагаар ялж мөнгөн медалийн төлөө барилдаанд америкийн бөх Виктория Антонийг цэвэр ялж алтан медалийн төлөө барилдаанд хятадын бөх Сун Янантай хүч үзэж 7:0 онооны харьцаагаар хожигджээ.

Энэ жинд 23 бөх барилджээ..

55 кг 1. Саори Йошида /Япон, олимпийн гурван удаагийн аварга,

дэлхийн 9 удаагийн аварга/

2. София Маделина Матссон /Швед, ДАШТ-ний

алт, мөнгө, хүрэл медальт, европийн аварга/

3. Валерия Коблова /ОХУ, Универсиад наадмын аварга /

3. Эмесе Марка /Унгар/

8. Сүндэвийн Бямбацэрэн /Монгол/

Манай бөх олон улсын хэмжээний мастер С.Бямбацэрэн /"Аврагч" спорт хороо/нэгдүгээр тойрогт хятадын бөх Хуечинь Зхонгтой таарч 4:3 онооны харьцаагаар ялж хоёрдугаар тойрогт казахстаны бөх Айжан Исмагуловаг 7:0 онооны харьцаагаар хожиж гуравдугаар тойрогт японы бөх, олимпийн гурван удаагийн аварга Саора Йошидад 0:8 онооны харьцаагаар хожигдож дагах барилдаанд оросын бөх Валерия Кобловад 3:4 онооны харьцаагаар дийлджээ.

Энэ жинд 28 бөх барилджээ.

59 кг 1. Марианна Шастина /Унгар, ДАШТ-ний мөнгө, хүрэл

медальт/

2.Тайбе Мустафа Юсейн /Болгар, ДАШТ-ний мөнгөн

медальт/

3. Тунгалагийн Мөнхтуяа /Монгол, ДАШТ-ний хүрэл

медальт/

3. Юлия Раткевич /Азербайжан, ДАШТ-ний алт, мөнгө, хүрэл

медальт/

Манай бөх олон улсын хэмжээний мастер Т.Мөнхтуяа /Орхон аймаг, "Хангарьд" клуб/ нэгдүгээр тойрогт хийлж хоёрдугаар тойрогт польшийн бөх Анна Тереза Звиридовскаг 4:2, гуравдугаар тойрогт ДАШТ-ний мөнгө, хүрэл медальт Марианна Шастинад 0:7 онооны харьцаагаар хожигдож дагах барилдаанд тайваны бөх Мин Вен Хьюг 10:2 онооны харьцаагаар ялж хүрэл медалийн төлөө японы бөх Аяко Итатой барилдаж 9:2 онооны харьцаагаар хожжээ.

Энэ жинд 25 бөх зодогложээ.

63 кг 1. Каоро Ичо /Япон, олимпийн гурван удаагийн аварга,

дэлхийн 7 удаагийн аварга/

2. Соронзонболдын Батцэцэг /Монгол, олимпийн хүрэл

медальт, Дэлхийн болон Универсиад наадмын аварга/

3. Елена Пирожкова /АНУ, ДАШТ-ний алт, мөнгөн медальт/

3. Екатерина Ларионова /Казахстан/

Манай бөх Гавьяат тамирчин О.Батцэцэг /"Хилчин" спорт хороо/ нэгдүгээр тойрогт венесуэлийн бөх Наталь Жозефина Греман Херрераг, хоёрдугаар тойрогт америкийн бөх, дэлхийн аварга Елена Пирожковаг, гуравдугаар тойрогт италийн бөх Мария Дианаг, дөрөвдүгээр тойрогт оросын бөх, Анастасия Братчиковаг цэвэр ялж алтан медалийн төлөө барилдаанд Каоро Ичод онооны 0:7 харьцаагаар ялагджээ.

Энэ жинд 28 бөх барилджээ.

67 кг 1. Алина Стадник /Украин, европийн аварга/

2. Анака Стейси /Канад /

3. Очирбатын Насанбурмаа /Монгол, ДАШТ-ний хошой

хүрэл медальт, Азийн аварга/

3. Сара Дошо /Япон, Универсиад наадмын аварга/

Манай бөх Гавьяат тамирчин О.Насанбурмаа /"Хүч" спорт хороо/ нэгдүгээр тойрогт канадын бөх Анака Стейсид 2:3 онооны харьцаагаар ялагдаж дагах барилдаанд азербайжаны бөх Гюзель Зутоваг 7:0 онооны харьцаагаар өвдөг шороодуулж хүрэл медалийн төлөө барилдаанд хятадын бөх Зхоу Шантинг 2:1 онооны харьцаагаар ялжээ.

Энэ жинд 24 бөх барилджээ.

72 кг 1. Чжан Фенглю /БНХАУ/

2. Наталья Воробьёва /ОХУ, олимпийн болон европийн

аварга/

2. Очирбатын Бурмаа /Монгол, ДАШТ-ний мөнгөн

3. Аделина Грей /АНУ, ДАШТ-ний алт, хүрэл медальт/

Манай бөх Гавьяат тамирчин О.Бурмаа /"Хүч" спорт хороо/ эхний тойрогт оросын бөх, олимпийн аварга Н.Воробьёватай таарч цэвэр ялагдаж дагах барилдаанд японы бөх, азийн аварга Хирое Сузукийг 5:1, канадын бөх Эрика Элизабет Вейбэг 5:3 онооны харьцаагаар дараалан ялж хүрэл медалийн төлөө барилдаанд молдавын бөх Светлана Саенког 3:0 онооны харьцаагаар хожжээ.

Багийн дүн:

Нэгдүгээр байрЯпон, 48 оноо

Хоёрдугаар байрМонгол, 47 оноо

Гуравдугаар байр АНУ, 37 оноо

Дөрөвдүгээр байрБНХАУ, 34 оноо

Тавдугаар байр Украин, 29

Зургаадугаар байр ОХУ, 24 оноо