Салхи секундэд 12-14 метр хүрч ширүүснэ

Дохио!!! Цаг агаарын аюултай үзэгдлээс сэрэмжлүүлэх мэдээ:

Өнөөдөр Өмнөговь, Дундговь, Дорноговь, Сүхбаатарын нутаг, Хэнтийн өмнөд хэсгээр салхи секундэд 18-20 метр, зарим үед секундэд 24 метр хүрч ширүүснэ.

Малчид тариаланчид, ард иргэдийн анхааралд:

Өнөөдөр нутгийн зүүн хагаст цас орж, хүчтэй салхи шуургатай, ихэнх нутгаар хүйтэн байхыг анхааруулж байна.

2013 оны 09 дүгээр сарын 22-ны 08 цагаас 20 цаг хүртэлх цаг агаарын урьдчилсан мэдээ:

Баруун зүгийн нутгаар үүл багасна, бусад нутгаар үүлшинэ. Төвийн нутгийн зүүн хэсэг, зүүн зүгийн ихэнх нутгаар хур тунадас, нойтон цас орно. Бусад нутгаар хур тунадас орохгүй. Салхи хойноос баруун зүгийн нутгаар секундэд 4-9 метр, төвийн нутгийн зүүн хэсгээр секундэд 12-14 метр, говийн нутгийн ихэнх, зүүн зүгийн нутгийн зарим газраар секундэд 18-20 метр, зарим үед секундэд 24 метр хүрч шороон шуурга шуурна. Хүйтэрч Алтай, Хангайн уулархаг нутгаар 0-5 градус хүйтэн, Алтайн өвөр говь, говийн нутгийн өмнөд хэсэг, Дорнод, Дарьгангын тал нутгаар 11-16 градус, бусад нутгаар 1-6 градус дулаан байна.

УЛААНБААТАР ХОТ: Үүлшинэ. Хур тунадас, уулаараа цас орно. Салхи хойноос секундэд 12-14 метр хүрч ширүүснэ. Хүйтэрч 1-3 градус дулаан байна.

Өглөө 05 цагт Улаанбаатарт: 1 градус дулаан, харьцангуй чийг 75 хувь, агаарын даралт 864 гектопаскаль байлаа. Даралт өдөртөө өснө.