Сэргээгдэх эрчим хүч, хилийн боомт, дэд бүтцийн төслүүдэд хамтрахаа илэрхийлэв

Азийн Хөгжлийн Банк (АХБ)-ны Хувийн хэвшлийн үйл ажиллагаа, төр-хувийн хэвшлийн түншлэлийн асуудал хариуцсан дэд ерөнхийлөгч Ашок Лавасаг Эдийн засаг, хөгжлийн сайд Ч.Хүрэлбаатар өнөөдөр хүлээн авч уулзлаа.

Уулзалтаар төр-хувийн хэвшлийн түншлэлийн хүрээнд хамтран хэрэгжүүлэх боломжтой төслүүдийн талаар хэлэлцсэн. АХБ-наас сэргээгдэх эрчим хүч, хилийн боомт, дэд бүтцийг хөгжүүлэх төслүүдэд Засгийн газартай нягт хамтарч ажиллахаа илэрхийлсэн.

Түүнчлэн Монгол Улсын хөрөнгө оруулалтын орчин, төр-хувийн хэвшлийн түншлэлийн эрх зүйн орчинг сайжруулах чиглэлээр Засгийн газраас хэрэгжүүлж буй арга хэмжээний талаар танилцуулж, цаашдын хамтын ажиллагааны боломжийн талаар санал солилцлоо.

АХБ-ны Хувийн хэвшлийн үйл ажиллагаа, төр-хувийн хэвшлийн түншлэлийн асуудал хариуцсан дэд ерөнхийлөгч Ашок Лаваса эдийн засгийн чуулганд оролцсон юм.