Байшин шатаж, 3 иргэн галд өртөж амиа алджээ

Баянзүрх дүүргийн 20 дугаар хороонд байшин шатаж байна гэсэн дуудлагыг өчигдөр оройн 22:55 цагт Онцгой байдлын газарт иржээ.

Дуудлагын дагуу тус дүүргийн Онцгой байдлын хэлтсийн Гал түймэр унтраах, аврах ангийн алба хаагчдыг очиход иргэн Х-ын 3×4 метрийн хэмжээтэй байшин шатаж байсныг унтраасан байна.

Уг гал түймэрт Б/58 настай, эрэгтэй/, С /44 настай, эмэгтэй/, нэр, нас, харьяалал нь тодорхойгүй /60 орчим настай, эмэгтэй/ нар өртөж амиа алджээ.

Мөн иргэн Д /47 настай, эрэгтэй/ нүүр, гар хэсгээрээ түлэгдэж, бэртсэн байсан тул тус иргэнийг нийслэлийн ЯТТТ-ийн эмчид болон тус дүүргийн Цагдаагийн 3 дугаар хэлтсийн мөрдөгчид шилжүүлэн өгсөн байна.

Эх сурвалж: ОБЕГ