Эквадорт анхны метроны шугам ажиллаж эхэллээ

Тус улсын анхны метроны шугам даваа гаргаас нийслэл Китод нь ажиллаж эхэлжээ. Энэ тухай газар доорх нийтийн тээврийн системийн удирдлагууд твиттертээ "Зорчигчтой анхны метро Китумбэ буудлаас албан ёсоор хөдлөв" хэмээн "жиргэсэн" аж. Уг шугам 23 км урт, 15 станцын 14 нь одоогийн байдлаар зорчигчдод зориулагдсан байна.  Метро барихад бараг арван жил зарцуулсан ба нээлтийг нь 2020 оны хоёрдугаар хагаст хийхээр төлөвлөсөн ч коронавирусийн улмаас уг төлөвлөгөөг  эргэж харахаас өөр аргагүй болсон юм. Хожим нь хотод газар доорх тээврийн шугам дахиад хоёрыг барьж магадгүй гэнэ. Урьдчилсан тооцоогоор метро нь Китогийн оршин суугчдын хойд бүс нутгаас өмнөд бүс рүү аялах хугацааг 1,5 цагаас 30 минут болгон багасгах боломжтой. Эквадор нь 3 саяад хүн амтай аж.