Б.Билэгтсайхан:ДОХ-ын халдвартай иргэн эмнэлгийн хашаанд биш гэртээ нас барсан

ХӨСҮТ-өөс цаг үеийн асуудлаар мэдээлэл хийж байна. Тус төвийн захирал Б.Билэгтсайхан ДОХ-тай иргэн нас барсан талаарх мэдээллийг өглөө. Тэрбээр "Өнгөрсөн долоо хоногт ДОХ-ын халдвартай иргэн нас барсан тохиолдол гарсан. Тухайн иргэн манайд хяналтад байдаг байсан. Гэхдээ сүрьеэгийн халдвартай байж байгаад өөрийн хүсэлтээр эмчилгээгээ зогсоосон. Өмнөх долоо хоногт эмнэлгийн хашаанд нас барлаа гэсэн мэдээлэл гарсан. Энэ бол ташаа мэдээлэл тухайн иргэн гэртээ нас барсан. Сэтгэл санааны хувьд ялгаварлан гадуурхахгүй байх тал дээр анхаарах ёстой.

Сүхбаатар аймагт урьдчилан сэргийлэх тариаг андуурч хийсэн тохиолдол гарсан. 9 иргэн манай эмнэлэгт хэвтэн эмчлүүлж байна. Тэдгээрийн биеийн байдал тогтвортой байгаа. Хэсэг газар үүссэн бугалаа нь арилж, бие сайжирч байгаа" гэлээ.