А.Путельясыг ЕХБХ шилдэг хөлбөмбөгчөөр тодруулав

          Туркийн Истанбул хотод өчигдөр 2022/2023 оны улирлын Аваргуудын лигийн хэсгийн шатны сугалаа болов. Энэ үеэр Испанийн шигшээ болон "Барселон" багийн хагас хамгаалагч Алексия Путельясыг шилдэг эмэгтэй хөлбөмбөгчөөр шалгарууллаа. Тэрээр эмэгтэйчүүдийн Европын аварга шалгаруулах тэмцээн эхлэхээс өмнө гэмтсэн юм.     Ноднин "Алтан бөмбөг"-ийн эзэн болсон 28 настай түүнийг ESPN 2022 оны дэлхийн шилдэг тоглогчоор тодруулжээ. "Барселон"-д 2012 оноос хүчин зүтгэж буй А.Путельяс өмнө нь "Эспаньол", "Леванте" багт тоглож байлаа.