Шатрын олимпиад: Эмэгтэй баг АНУ-ын шигшээг хожлоо

Дэлхийн шатрын 44-р олимпиад Энэтхэг улсын Ченнай хотноо болж буй.

Олимпиадын гуравдугаар тойрогт манай эмэгтэй баг АНУ-ын багийг 3:1 харьцаагаар хожиж 2 оноо халааслалаа. Т.Мөнхзул,  Б.Мөнгөнзул нар хожиж, А.Энхтуул, Б.Баярмаа нар өрсөлдөгчтэйгээ хайнцсанаар гуравдугаар тойргийн дараа эмэгтэй шигшээ баг 3-р байранд бичигдэж эхэллээ.

Харин эрэгтэй багийн хувьд Унгарын шигшээтэй 2:2 харьцаагаар тэнцэж, оноо хуваалаа. Гуравдугаар тойргийн дараа эрэгтэй шигшээ баг 25-р байранд бичигдэж байна.

Дөрөвдүгээр тойрогт эрэгтэй баг олимпиадын чансааны 3-т эрэмбэлэгдсэн Норвегийн шигшээ багтай оноолт таарсан бол эмэгтэй баг Казакстан улсын шигшээ багтай тулалдана.