"Голден Стэйт Уорриорз" аваргаллаа

  Америкийн Үндэсний сагсан бөмбөгийн холбооны энэ улирлын аваргаар "Голден Стэйт Уорриорз" тодров. Тэд аваргын төлөө "Бостон Селтикс"-тэй өрсөлдсөн ба цувралын зургаа дахь Бостоны "Ти-Ди Гарден" цэнгэлдэх хүрээлэнд болоход 103:90-ээр хожлоо. Энэ тоглолтод "Алтан мужийн дайчид"-ын лидер, 34 настай хамгаалагч С.Керри 34 оноо, долоон самбар, долоон  оновчтой дамжуулалтаар тэргүүлсэн бол түүнд Д.Грин 12 оноо, 12 самбараар тусалжээ. Харин "Бостон"-оос 25 настай хамгаалагч Ж.Браун 34 оноо, долоон удаа самбараас бөмбөг авч, гурвантаа оновчтой дамжуулсан аж. Түүнд Э.Хорфорд 19 оноо, 14 самбараар тусалсан байна.