К.Крайдер зургаа дахь хоккейчин боллоо

"Нью-Йорк Рейнжерс" Америкийн Үндэсний хоккейн лигийн плей-оффын хоёрдугаар шатны долоо дахь тоглолтод "Каролина Харрикейнс"-ийг 6:2-оор хожиж, "Дорнод" бүсийнхээ хагас шигшээд шалгарчээ. Уг тоглолтын гол баатраар шалгарсан "Рейнжерс"-ийн 31 настай довтлогч Крис Крайдер найм болон 44 дэх минутад өрсөлдөгчийнхөө хаалганд шайб оруулсан аж. Тэрээр багийнхаа плей-оффт 50 оноо авсан зургаа дахь тоглогч болсон байна. Өнөө жилийн плей-оффын 14 тоглолтод 11 оноо (найман шайб, гурван оновчтой дамжуулалт) аваад буй К.Крайдер одоогоор плей-оффын 94 тоглолтод 50 (32+18) оноо авсан юм.