У.Чемберлений 52 жилийн өмнө тогтоосон амжилтыг Ж.Пул давтлаа

                      NBA-гийн "Өрнөд" бүсийн плей-оффын эхний шатанд "Голден Стэйт Уорриорз", "Денвер Наггетс" багууд таарсан билээ. Цувралын гурав дахь тоглолт Денвер хотын "Болл-Арена"-д болоход зочид 118:113-аар хожжээ. "Алтан мужийн дайчид"-ын С.Керри, Ж.Пул нар тус бүр 27 оноо авсан бол "Денвер"-ээс Н.Йокич, А.Гордон нар дабл-дабл хийсэн аж. Энэ цувралын баатраар тодорсон "Голден Стэйт"-ийн 22 настай хамгаалагч Жордан Пул плей-оффын эхний гурван тоглолт дараалан 25-аас олон оноо авч, 1960 онд тус багийн домогт тоглогч Уилт Чемберлений тогтоосон амжилтыг давтсан байна. Дашрамд дурдахад ийм амжилт үзүүлсэн 16 тоглогч л NBA-д байдаг юм.