"Entrepreneur 2021" ёслолын ажиллагаа маргааш болно

МҮХАҮТ-аас Монгол Улсын нийгэм, эдийн засгийн хөгжилд бодитой хувь нэмрээ оруулж буй оны онцлох аж ахуйн нэгж, байгууллагууд, бизнес эрхлэгчдийг шалгаруулан өргөмжилдөг "Entrepreneur 2021" ёслолын ажиллагааг 24 дэх жилдээ зохион байгуулах гэж байна.

"Entrepreneur 2021" шалгаруулалтын материалыг хүлээн авч дууссан бөгөөд Танхимын Тэргүүлэгчдийн хурлын шийдвэрээр тодорхой шалгуур үзүүлэлтүүдийг хангасан энэ оны ОНЦЛОХ 10 АЖ АХУЙ НЭГЖ-ийг тодруулахын зэрэгцээ тодорхой салбарын ENTREPRENEUR, GREENPRENEUR номинацуудаар шилдгүүдийг маргааш буюу 12 дугаар сарын 28-нд шалгаруулж өргөмжлөх аж.