Монгол банкны ханш

USD / АНУ-ын доллар 2,850.01
CNY / БНХАУ-ын юань 434.98
RUB / ОХУ-ын рубль 38.64
EUR / Евро 3,444.66
KRW / БНСУ-ын вон 2.61
GBR / Английн фунт 3,793.08
JPY / Японы иен 27.27

Улаанбаатар хотын цаг агаар

2023 оны 03 сарын 22, Лхагва
Олон улсын хөгжлийн ассоциацийн 50.7 сая долларын хөнгөлөлттэй зээл авахыг дэмжлээ

Олон улсын хөгжлийн ассоциацийн 50.7 сая долларын хөнгөлөлттэй зээл авахыг дэмжлээ

Эх сурвалж: Bataar.mn Эдийн засаг 2021-04-03 00:04:20

УИХ-ын чуулганы нэгдсэн хуралдаанаар Монгол Улсад КОВИД-19-aac урьдчилан сэргийлэх, хариу арга хэмжээ авах, бэлэн байдлыг хангах төслийн хүрээнд Монгол Улс, Олон улсын хөгжлийн ассоциаци хоорондын нэмэлт санхүүжилтийн хэлэлцээрийг соёрхон батлах тухай асуудлыг хэлэлцлээ.

Энэхүү зээлийн хэлэлцээрийг баталснаар хүн амын 60 хүртэл хувийг вакцинжуулалтад хамруулахад хүрэлцэхүйц вакцин худалдан авах, тээвэрлэх, хадгалах, аюулгүй байдлыг хангах, улс даяар түгээх арга хэмжээг цогцоор нь хэрэгжүүлэх юм байна. Үүнээс гадна энэхүү вакцин нь өөрөө шинэ төрлийн дархлаажуулалтын бэлдмэл учир тарилга хийх заалт, тарилгын дараах илэрч болох хүндрэлээс сэргийлэх, дархлаажуулалтын хамралтын түвшинг үнэлэх, хянах зэрэг арга хэмжээг авахад нийт 8000 орчим эмч, эмнэлгийн мэргэжилтнүүдийг бэлтгэх, нэгдсэн сургалт, мэдээлэл олгох үйл ажиллагааг хэрэгжүүлэх боломж бүрдэнэ гэдгийг Сангийн сайд Б.Жавхлан хэлж байлаа.

Дэлхийн банкны санхүүжилтээр хэрэгжиж байгаа Монгол Улсад КОВИД-19- аас урьдчилан сэргийлэх, хариу арга хэмжээ авах, бэлэн байдлыг хангах төслийн нэмэлт санхүүжилтээр вакцинжуулалтын төслийг Дэлхийн банкны Олон улсын хөгжлийн ассоциацийн 50.7 сая ам.долларын хөнгөлөлттэй зээлээр хэрэгжүүлэхээр тохиролцжээ. Энэхүү хөнгөлөлттэй зээлийн ашигласан үлдэгдэлд тооцогдох зээлийн хүү жилийн 1.25 хувь, зээлийн эргэн төлөх хугацаа жил бөгөөд эхний таван жилд нь үндсэн төлбөрөөс чөлөөлөгдөх юм байна. Уг хэлэлцээрийн төслийг чуулганы хуралдаанд оролцсон гишүүдийн олонх нь дэмжиж баталлаа.

Эх сурвалж: Bataar.mn Эдийн засаг 2021-04-03 00:04:20

Сэтгэгдэл бичих