Хашаа, байшин шатсан дуудлага их иржээ

Нийслэлийн Онцгой байдлын газарт өнгөрсөн амралтын өдрүүдэд объектын гал түймрийн 28, гал түймрийн зөрчлийн гурав, аврах ажиллагааны дөрвөн дуудлага ирсэн байна.Дуудлагуудын дагуу аврах анги, харъяа дүүргийн Онцгой байдлын хэлтсийн Аврах, гал унтраах ангиудын бүрэлдэхүүншуурхай арга хэмжээ авч ажиллажээ. Тухайлбал, Баянзүрх дүүргийн 19 дүгээр хороо, Цэргийн ангийн гудамжинд байшин шатаж байна гэсэн дуудлагын дагуу Аврах, гал унтраах 63 дугаар ангийн тасгийг гаргахадсүмийн 15х9 метрийн хэмжээтэй байшингийн дээврийн хэсэг шатаж байсныг шуурхай ажиллан унтрааж, 180 сая төгрөгийн өмч хөрөнгийг авран хамгаалжээ.

Мөн Сонгинохайрхан дүүргийн 23 дугаар хороо, Хангайн гудамжинд байшин шатаж байна гэсэн дуудлагаар Аврах, гал унтраах 26 дугаар ангийн тасгийг гаргахад 8х16 метрийн хэмжээтэй мансардтайнэг давхар байшингийн мансард, дотор талд эд хогшлын хамт шатаж байсныг шуурхай ажиллан унтраажээ. Түүнчлэн Сүхбаатар дүүргийн 18 дугаар хороо, Ойчдын гудамжинд 54 тоотод хашаа шатаж байна гэсэн дуудлагаар Аврах, гал унтраах 34 дүгээр ангийн тасгийг гаргахад 4 метр хашаа шатаж байсныг унтраажээ.

Б.Цэлмэг