"IV улирлын НӨАТ-ын буцаан олголтоор автомашин, газрын зэрэг татвар төлөх хүсэлтийг авч байна"

2023 оны IV улирлын НӨАТ-ын буцаан олголтын мөнгөөр долоон төрлийн татвараа төлөх хүсэлтийг ebarimt системээр авч эхэлснийг Татварын байгууллагаас мэдэгдлээ. Энэ сарын 23-ныг хүртэл хүсэлтээ илгээх боломжтой байна.

Өөрөөр хэлбэл НӨАТ-ын буцаан олголтын мөнгөөрөө дараах татваруудыг төлж болох нь.

1. Автотээврийн хэрэгслийн албан татвар
2. Галт зэвсгийн албан татвар
3. Үл хөдлөх эд хөрөнгийн албан татвар
4. Газрын төлбөр /газар эзэмшигч/
5. Газрын үл хөдлөх эд хөрөнгийн албан татвар /газар өмчлөгч/
6. Малын тоо, толгойн албан татвар
7. Авто зам, замын байгууламж ашигласны төлбөр.

Харин IV улирлын НӨАТ-ын буцаан олголтын мөнгөө авах иргэдийнхийг Цагаан сараас өмнө өгнө гэдгийг мэдээлээд байгаа юм.

Сангийн сайдын мэдээлснээр энэ онд НӨАТ-ын буцаалтаар 1.3 сая иргэнд 410 тэрбум төгрөг олгохоор улсын төсвийг баталжээ.