Архангай аймагт 3.7 магнитудын хүчтэй газар хөдлөлт болжээ

Архангай аймгийн Ихтамир сумаас баруун урд зүгт 73 км зайд нэгдүгээр сарын 08-ны өдрийн 00:25:21 цагт 3.7 магнитудын хүчтэй газар хөдлөлт болсон гэдгийг ОБЕГ-аас мэдээллээ.

Газар хөдлөлтийн шинж тэмдгүүд:

• Байшин донслон хөдлөх
• Чийдэнгийн бүрхүүл болон өлгөөтэй эд зүйлс савах
• Шилэн сав суулга харших, дуугарах, хагарч буй шилний чимээ гарах
• Хүнгэнэсэн дуу ойртох

Хэрвээ ийм шинж тэмдэг мэдрэгдвэл нэн түрүүнд байшин барилгыг яаралтай орхих, хүмүүсийг гадагш хурдан гаргах эсвэл тасалгааны аюулгүй байрыг эзлэх хэрэгтэй.