Улсын хэмжээнд АИ-92 шатахууны нөөц хэвийн байна

Өнгөрсөн амралтын өдрүүдэд зарим шатахуун түгээх станцад АИ-92 шатахуун дуусаж, иргэдэд шатахуун олдохгүй байна гэх асуудал үүссэн.

Уул уурхай, хүнд үйлдвэрийн яамны Газрын тосны бодлогын газрын дарга Б.Анхбаяр “Зарим нэг компани өөрсдийнхөө дотоод нөөцөө сайн хангаж чадаагүйн улмаас нэг, хоёр газар тасалдсан нөхцөл байдал үүссэн. Нийтээрээ тасалдсан зүйл байхгүй. Улсын хэмжээнд АИ-92 шатахууны нөөц гайгүй байгаа. Гэхдээ сүүлийн 15, 16 хоног орж ирээгүй учраас зарим компанийн шатахууны нөөц дундарч эхэлсэн нөхцөл байдал үүссэн.

Бямба, ням гаригаас ОХУ-аас бүтээгдэхүүний ачилт хэвийн болж эхэлсэн” гэв.