Цэцэг төвийн урд 13 настай охин машинд дайруулжээ

Чингэлтэй дүүргийн 1-р хороонд байрлах Цэцэг төвийн урд Nissan X Trail маркийн автомашины жолооч Т нь 13 настай охиныг дайрсан хэрэг гарчээ.

Тодруулбал, явганаар зорчиж явсан 13 настай охиныг мөргөсөн байна гэх дуудлага мэдээллийг цагдаагийн байгууллага өнөөдөр буюу аравдугаар сарын 7-ны өдөр бүртгэсэн байна.

Хэргийг одоо Тээврийн цагдаагийн алба шалгаж байна. Охин эмнэлгийн байгууллагын тусламж авсан бөгөөд одоогоор биеийн байдал нь хэвийн байгаа гэж эх сурвалж мэдээллээ.

Мөн охиныг мөргөсөн жолооч согтууруулах ундаа хэрэглээгүй байжээ. Түүнчлэн жолооч хэргийг газрыг орхиж яваагүй бөгөөд мөрдөн шалгах ажиллагаанд оролцож байгаа ажээ.