Нөхөртэй нь гэр бүлийн гадуурх харилцаанд орсон эмэгтэй СӨХ-оос бичлэг авч, цахим сүлжээнд цацсан байжээ

Цахим орчинд энэ сарын 12-ны өдөр /2023.09.12/ настай эмэгтэй, нэгэн эрэгтэйг лифтэнд зодож буй бичлэг цацагдсан билээ.

Энэ талаар цагдаагийн байгууллагаас "2023 оны есдүгээр сарын 10-ны өдөр Сонгинохайрхан дүүргийн 38 дугаар хорооны нутаг дэвсгэрт "Ээж, аав 2 зодолдоод байна" гэх дуудлага, мэдээлэл бүртгэгдсэн. Тус дүүргийн цагдаагийн газрын нэгдүгээр хэлтсээс иргэн “Э” нь гэр бүлийн хамаарал бүхий “Д”-г цахилгаан шатанд биед нь халдсан гэх үйлдлийг гомдол, мэдээллийн бүртгэлд авч, шалгалтын ажиллагаааг явуулж байна" гэх мэдээллийг өгсөн. 

Тэгвэл тухайн эмэгтэйн нөхөр өөрийн гэртээ гэр бүлийн гадуурх харилцаанд орж байхад эхнэр нь мэдэж, дээрх үйлдлийг гаргасан байна. Харин цахим орчинд цацагдсан бичлэгийг нөхөртэй нь гэр бүлийн гадуурх харилцаанд орж байсан эмэгтэй тухайн орон сууцны хорооллийн СӨХ-нд ажилладаг хамаарал бүхий хүнээсээ авч, нийтэд цацсан гэдгийг албан бус эх сурвалж мэдээллээ. Мөн нөхрөө зодсон гэгдэж буй эмэгтэйг цагдаагийн байгууллагаас шалгаж байгаа бөгөөд сэтгэл санааны хүнд цохилтод ороод байгаа аж. Харин гэр бүлийн гадуурх харилцаанд орж, бичлэг цацаж, нэр төрд нь халдсан этгээдүүд албан ёсоор уучлалт гуйгаад байна.