К.Бензема "Реал"-ын бүрэлдэхүүнд 24 дэх цомоо авчээ

Хөл бөмбөгийн клубүүдийн дэлхийн аварга шалгаруулах тэмцээн Испанийн "Эзэн хааны баг"-ийн ялалтаар өндөрлөлөө. "Реал" (Мадрид)-чууд аваргын төлөөх тоглолтод Саудын Арабын "Аль-Хиляль" багийг 5:3-аар хожжээ. Тоглолтын 13 дахь минутад багийн анд В.Жуниорт оновчтой дамжуулж, 54 дэх минутад гоол оруулсан 35 настай франц довтлогч К.Бензема багийнхаа хамт 24 дэх цомоо өргөсөн нь энэ. Түүний өмнө бразил хамгаалагч Марсело 25 цомтойгоор бичигдэж буй.