115 жилийн настай ГАЗРЫН ХАГАРХАЙ шугамдан хагалсан мэт одоо ч тод хэвээр зурайж байна.

Завхан аймгийн Түдэвтэй сумын нутаг, Ойгон нуурын арын уулсын өвөр бэл/Хагархайн зарим хэсгийн хотгор орчны газраасаа 10 гаруй метр сууж цөмөрсөн байх бол зарим хэсэгтээ энэ хэмжээний шороон далан үүссэн овоорсон байх нь бий. Энэ бол одоогийн дүр зураг. Тиймээс 115 жилийн өмнө нөхцөл байдал ямар байсныг төсөөлөхөд бэрх юм.  Тэртээ 1905 оны 7-р сард Хан Хөхий, Булнайн нуруунд газар хүчтэй шилгээсний улмаас нийт 490-500 км урт хагарал үүссэн бөгөөд гол хагарал нь Хан Хөхий нурууны араас баруун тийш Сангийн далай нуур хүртэл 370 км үргэлжилнэ.