Вагоноос нүүрс буулгаж байсан иргэн хөл алдаж, НҮҮРСЭНД ДАРАГДЖЭЭ

Сэлэнгэ аймгийн Мандал сумын дулааны цахилгаан станцын уурын зуухны нүүрс буулгах хэсэгт вагоноос нүүрс буулгаж байгаад нэг ажилтан нүүрсэнд дарагдсан дуудлага өчигдөр буюу нэгдүгээр сарын 25-ны 09:25 цагт тус газрын Мандал сум дахь Онцгой байдлын хэлтсийн Гал түймэр унтраах, аврах 19 дүгээр ангид иржээ.

Дуудлагын дагуу Гал түймэр унтраах, аврах 19 дүгээр ангийн алба хаагчдыг очиход дулааны станцын нүүрс буулгах хэсэгт ажиллаж байсан ажилтан Б нь вагон замын доод хэсэгт байрлах нунтаг нүүрсний бункер рүү хөл алдаж унаж нүүрсэнд дарагдсан байв.

Алба хаагчид шуурхай ажиллаж, ажилтан Б-г нүүрсэн доороос эсэн мэнд гарган, сумын нэгдсэн эмнэлгийн яаралтай тусламжийн тасагт хүлээлгэн өглөө гэж Онцгой байдлын ерөнхий газраас мэдээллээ.