2023 оныг тодорхойлох өнгөөр "дижитал лаванда" өнгийг нэрлэжээ

"Pantone" өнгөний стандартын байгууллагаас жил бүр тухайн өнгийг тодорхойлох, бэлгэдэл бүхий өнгийг нэрлэдэг. Тэгвэл ирэх 2023 оныг тодорхойлох өнгөөр "дижитал лаванда" өнгийг онцолжээ. 

2022 оны өнгөөр "Вери Пери" гэх цэнхэр, нил ягаан өнгийн нийлэмж өнгийг нэрлэсэн билээ. 

Тэгвэл 2023 оны дижитал лаванда өнгө нь илүү дулаан, нил ягаан бөгөөд тогтвортой тайван байдлыг бэлгэдэх гэнэ. Лаванда цэцэг нь зөөлөн, дулаан, энэрэнгүй чанарыг илтгэдэг бөгөөд цэнхэр өнгөнд ойртох тусам хурц, эрчимт мэдрэмжийг төрүүлдэг байна. Дижитал хэмээн нэрлэсэн нь Z үеийнхний дижитал хөгжлийг илтгэн, өнөөгийн хурдтай хөгжиж буй дижитал орчинд амар амгалан байх санааг тусгажээ.