"Уимблдон"-д долоо дахиа түрүүлсэн Н.Жоковичид цомыг нь Кембрижийн гүнгийн ахайтан К.Миддлтон гардуулав

     Талбайн теннисний хамгийн нэр хүндтэй "Их дуулга" цувралын нэг "Уимблдон"-ы эрэгтэйчүүдийн ганцаарчилсан төрөлд Сербийн Н.Жокович, Австралийн Н.Кирьосыг 4:6, 6:3, 6:4, 7:6 (7:3)-аар хожиж аваргалжээ. Гурван цаг 2 минут үргэлжилсэн уг тоглолтод илүүрхэж, уг тэмцээнд долоо дахиа түрүүлсэн түүнд Кембрижийн гүнгийн ахайтан Кейт Миддлтон цомыг нь гардууллаа. Энэ тэмцээнд хамгийн олон түрүүлсэн нь Швейцарын Р.Федерер бөгөөд найман түрүүтэй.