Украинчууд Катарыг зорих визийн төлөө өрсөлдөнө

     Өчигдөр Шотландын Глазго хотын "Хэмпден Парк" цэнгэлдэх хүрээлэнд украинчууд талбайн эздийг 3:1-ээр хожлоо. Тоглолтын 33 дахь минутад А.Ярмоленко, 49 дэх минутад Р.Яремчук, 90+5 дахь минутад А.Довбик бөмбөг оруулжээ. Харин Шотландын багийн нэр төрийн гоолыг 79 дэх минутад К.Макгрегор оруулсан аж. Украинчууд энэ сарын таванд Уэльстэй тоглох бөгөөд хожсон нь "Катар-2022"-ыг зорих эрхээ өвөртөлнө.        Хөл бөмбөгийн дэлхийн аварга шалгаруулах 22 дахь тэмцээн Катарт 11-р сарын 21-нээс 12-р сарын 18-нд болно.