Ж.Байдений цуваа руу согтуу эр лонх шиджээ

        АНУ-ын ерөнхийлөгч Жо Байдений автомашины цуваа Бельгийн нийслэл Брюсселийн төвөөр дайран өнгөрөхөд нэгэн согтуу эр лонх шиджээ. Уг үйл явдлыг баталсан цагдаагийнхан "Америкийн ерөнхийлөгчийг дагалдаж явсан автомашины цуваа руу согтуу эр нэлээн холоос лонх шидсэн. Бид ч түүнийг шууд л саатуулсан" хэмээн мэдэгдлээ.                               Лхагва гарагт буюу гуравдугаар сарын 23-нд АНУ-ын ерөнхийлөгч Ж.Байден НАТО-гийн гишүүн бусад орны удирдагчтай уулзахаар Брюссельд ирсэн юм. Тэрээр тэнд болох НАТО-гийн орнуудын дээд хэмжээний ээлжит бус уулзалтад биечлэн оролцох аж.