Г.Уянгадарь “Vibes” нэртэй шинэ уран бүтээл гаргалаа

The Open Mic”-ийн тайзнаа “Туйлын туяа” дууг амилуулж олны гайхшируулж байсан Г.Уянгадарь буюу Egga шинэ уран бүтээлээ гаргажээ.

 “Vibes” нэртэй уг дууг “Тоонот рекордс” бүтээсэн ба шүлгийг реппер, продюсер Десант /Г.Батболд/ бичсэн байна.

Энэхүү дууг өчигдөр буюу зургаадугаар сарын 7-нд youtube-д байршуулсан ба үүнээс хойш 100 гаруй мянган хүнд хэдийнээ хүрчээ.

Г.Уянгадарь “GoGo-ийн асуултууд” видео контентын зочноор оролцох үеэрээ чөлөөт цагаараа англи хэлээ сайжруулж байгаа хэмээж байсан юм. Тэрээр хүсэл мөрөөдөлдөө хүрэхийн тулд бүгдийг багаас нь эхэлж буй залуу уран бүтээлч билээ.

“Vibes” дууг сонссон хүмүүс “Гоё уран бүтээлч гарч ирж байна гэж харлаа. Хүүхдээрээ хөөрхөн байна. Дуу нь маш их таалагдлаа” зэрэг сайхан сэтгэгдлүүд үлдээжээ.