Коронавирусийг гол тараагч хэн бэ?

Коронавирусийг гол тараагч хэн болохыг илрүүлжээ. Энэ нь хамгийн олон хүнд халдвар тараасан тэр хүмүүс гэнэ.

Хонконгийн эрдэмтэд нэгдүгээр сараас дөрөвдүгээр сарын сүүлч хүртэл энэ нутагт ажиглагдсан 1000 гаруй тохиолдлыг судлаад тун сонин дүгнэлт хийжээ. Ингээд ойролцоогоор 350 тохиолдол хоорондоо маш их холбоотой, нэг бүлгийн төлөөлөгчид байсан бөгөөд бусад нь гаднаас орж ирсэн нь бүртгэгдэж нотлогдсон байна.

Ингэхдээ гол тараагч нь зургаан хүн байжээ. Тэд халдвар авсан тохиолдлын талаас илүүг нь халдварлуулсан байна. Ийнхүү халдвар авсан хүмүүсийн 70 хувь нь вирус ер тараадаггүй нь илэрчээ. Харин вирус тээгчдийн ердөө 20 хувь нь өвчилсөн бүх тохиолдлын 80 хувьтай холбоотой байна. Чухам тэд л өөрсдөө өвчилсөн эсэхээ мэдэлгүйгээр орчин тойрныхоо бүх хүнд халдвар тараажээ.

Б.Атар