Өмнөд Солонгост паралимпийн наадам эхлэв

Өмнөд Солонгост Өвлийн паралимпийн наадам нээгдлээ. Нээлтийн ёслол хоёр цаг орчим үргэлжилсэн бөгөөд маш сайхан болжээ.

Уралдаан тэмцээн гуравдугаар сарын 18 хүртэл үргэлжлэх аж. Энэхүү паралимп оролцогчдын тоогоор шинэ дээд амжилт тогтоож байгаа бөгөөд олон орны 567 тамирчин спортын зургаан төрлөөр 80 багц медалийн төлөө өрсөлдөх юм. Гүрж, Тажикистан, БНАСАУ-ын тамирчид өвлийн паралимпийн наадамд анх удаагаа оролцож байна.

Оросын тамирчид нээлтийн парадад паралимпийн далбаатайгаар жагсан явжээ. Сэргээшийн асуудлаас болоод Оросоос паралимпийн наадамд 36 тамирчныг л оруулсан байна. Тэд цанын уралдаан, биатлон, кёрлинг, сноуборд болон уулын цана гэсэн таван төрөлд өрсөлдөх ажээ.

С.Инда