iPhone 6 борлуулалтаараа шинэ амжилт тогтоож байна

Өнгөрөгч баасан гарагт Монголд албан ёсоор худалдаанд гарсан iPhone 6 болон iPhone 6 Plus гар утас борлуулалтаараа Монголын гар утасны борлуулалтын түүхэнд шинэ амжилт тогтоогоод байна.

Худалдаанд гарсан эхний 3 өдөрт 1000 гаруй ширхэг худалдаалагдсан нь өнгөрсөн жилүүдэд худалдаанд гарч байсан iPhone 5, iPhone 5S гар утаснуудын борлуулалтаас илүү гарчээ. 2014 оны 11-р сарын 14-ний өглөө 9 цагт Тэди төв нээгдэхэд дэлхий дахинд борлуулалтаараа тэргүүлээд байгаа шинэ гар утсыг худалдан авахаар хэдийнэ дараалал үүсээд байсан бөгөөд энэхүү дараалал одоо ч үргэлжилсэн хэвээр байгаа юм.

Мобиком Корпорацийн хувьд албан ёсны баталгаатай гар утаснуудаа бусад худалдааны газрууд, сайтуудаас харьцангуй хямд үнээр санал болгосон нь хэрэглэгчдийн эрэлтийг бий болгоод байгаа аж.

У.Жимсээ