Месси хоёр гоол оруулж, “Барса” эхний хожлоо авлаа

Испанийн Ла лигийн шинэ улирал бямба гарагт эхэлсэн. Тэгвэл өчидөр Калатлоны алдарт “Барселона” клубталбай дээрээ “Эльче” клубыг хүлээж авч, шинэ улирлын анхны тоглолтоо хийлээ.

Энэ зун олон наймаа хийсэн “Барса” нээлтийн тоглолтод Иван Ракитич, Мунир Эль-Хаддади зэрэг шинэ цэргүүдээ гараанд гаргасан.Харин шилдгүүдээс Неймар энэ тоглолтод оролцоогүй. Гэвч тэд өрсөлдөгчөө 3:0-ээр буулгаж авсан юм.

Тоглолтын 42 дахь минутад Месси гоолдож, тооны харьцааг нээсэн юм. Харин 44 дэх минутад Маскерона улаан хуудас авч талбайг чөлөөлсөн.

Гэвч 46 дахь минутад Хаддади гоолдсон бол 63 дахь минутад Месси дахин нэгийг нэмж, өрсөлдөгчөө буулгаж авсан юм. Ийнхүү “Барса” эхний тоглолтдоо хожиж, багийн лидер Месси мэргэн буучийн жагсаалтыг тэргүүлж эхэллээ.

Бусад тоглолтын үр дүн
Альмерия 1:1 Эспаньол
Эйбар 1-0 Реал Сосьедад
Сельта 3:1 Хетафе
Леванте 0-1 Вильярреал

Эх сурвалж: www.mminfo.mn