Си Зиньпин "Чингис хаан" ОУНБ-д газардлаа

Монгол Улсын Ерөнхийлөгч Ц.Элбэгдоржийн урилгаар Бүгд Найрамдах Хятад Ард Улсындарга Си Зиньпин олон улсын "Чингис хаан" нисэх буудалд газардлаа. Тэрээр өнөөдөр, маргаашийн хугацаанд манай улсад төрийн айлчлал хийх юм.

1953 оны зургадугаар сарын 15-нд Бээжинд төрсөн. 61 настай. Бээжин хотын 101 дунд сургууль, Цинхуа их сургуулийг химийн инженер мэргэжлээр төгссөн.

1989 онд Пен Лиюантай гэрлэсэн. Өвөг дээдэс нь Шанси мужаас гаралтай.
Аав нь Маогийн итгэлт хүн байсан бөгөөд төрийн өндөр албан тушаал хашч байсан боловч Соёлын хувьсгалын үед буруутгагдан хөдөө нутагт цөлөгдсөн. Түүгээр ч зогсохгүй 1968 онд шоронд хоригдож байсан байна. Тэр үед 15 настай байсан Си хамт цөлөгдсөн бөгөөд дунд сургуулийн сурагч байжээ.
1969 онд Шанси мужийн хөдөө нутаг Яанчуанд шилжин ажил хийж байж. Хожим үйлдвэрийн намын салбарын дарга болсон байдаг.
1971 онд 18 настайдаа ХКН-д элссэн.
1975 онд 22 настайдаа Бээжингийн Цинхуа их сургуульдхимийн чиглэлээр 1979 он хүртэл сурч төгсжээ.
1979-1982 онд аавынхааа удирдлагад нь ажиллаж байсан Ген Биаогийн /ХКН, армийн нэгэн лидер/ нарийн бичгээр ажиллаж байв.
Дараа нь дэд сайд Цэргийн төв зөвлөлийн Нарийн бичгийн дарга болсон. Энд цэрэг армийн дадлага туршлага хуримтлуулжээ.
1982 онд Хэбэй мужийн Женгдин тойргийн ХКН-ын хорооны нарийн бичгийн орлогч дарга,
1985 онд АНУ-ын Хөдөө аж ахуйн туршлага судлах багт орж Айово мужид айлчилсан.
Шанси (1969–1975), Хэбэй (1982–1985), Фужиан(1985–2002), Жэжианг (2002–2007) мужуудад намын дээд алба хашч байжээ.
1990 онд Фужоу хотын Намын сургуулийн ерөнхийлөгч,
1999 - 2002 онуудад Фужан мужийн дарга,
2002 - 2007 онуудадЖэжианг мужийн дарга, КН-ын дарга,
2007 онд богино хугацаанд Шанхай хотын КХ-ын нарийн бичгийн дарга,
2007 оны аравдугаар сард Улс төрийн Товчооны байнгын хороо, Нарийн бичгийн Төв хороо Ху Жинтаогийн залгамжлагч болохыг дэмжсэн. Ингэснээр 5-р үеийн удирдагч болох зам шулууджээ.

Эхнэр Пен Лиюан нь 1962 онд төрсөн 51 настай. Хятадын хөгжмийн консерватур төгссөн. Хятадын ардын дууч, жүжигчин хүн. Одоо Хятадын Ардын чөлөөлөх армийн урлагийн акедемийг толгойлдог /Декан/.
Охин Мингзе нь 22 настай Ханжоугийн гадаад хэлний сургууль, Жежиангийн их сургууль, Харвардын их сургууль тус тус төгссөн.

2012.11.15 -ХКН-ийн ТХ-ын Ерөнхий нарийн бичгийн дарга,
2013.03.14- БНХАУ-ын Ерөнхийлөгч,
2012.11.15- ХКН-ын Цэргийн төв зөвлөлийн дарга,
2013.03.14 - ХКН-ын Цэргийн төв зөвлөлийн дарга,
2014.01.25 - Үндэсний аюулгүй байдлын зөвлөлийн дарга,
2007.10.22 – 2012.11.15 - БНХАУ-ын Коммунист намын Төв нарийн бичгийн дарга нарын нэгдүгээр нарийн бичгийн дарга,
2008.03.15 – 2013. 03.14 - БНХАУ-ын Дэд Ерөнхийлөгч,
2007.12.22 – 2013.01.15 - ХКН-ын Намын төв сургуулийн Ерөнхийлөгч,
Тэрбээр Хятадын далайн эргийн мужуудаар улс төрийн зэрэг дэвийг багаас шатлуулан өгсөж ирсэн.