Сөнөөгч онгоцууд сүйрч зургаан хүн сураггүй алга болжээ

Италийн нисэх хүчний хоёр сөнөөгч онгоц сүйрчээ. Тодруулбал “N1”, “N2” хэмээх хоёр сөнөөгч онгоц сургуулилт хийж байхдаа хоорондоо мөргөлдсөн байна. Италийн төрийн мэдлийн “Sky TG24” агентлагийн мэдээлсэнээр “Энэхүү осол Марке мужийн Асколи хэмээх газраас 30 км зайтай болж хоёр онгоц дэлбэрсэн. Нисгэгчдээс гадна дөрвөн хүн сураггүй алга болсон. “N1”, “N2” ямар шалтгаанаар осолдсон нь тодорхойгүй байна” гэжээ. Гал сөнөөгч болон цагдаагийн ажилчид ослын газраас осолдсон онгоцны хэлтэрхийг олсон ч нисгэгч болон зорчиж явсан иргэдийг олоогүй байна.