Монголоос +18 сайтууд руу орох боломжгүй болов

Монгол Улсаас гадаадын порно сайтууд руу орох хандалтыг Харилцаа холбооны зохицуулах газраас хаагаад байна. Энэ асуудлыг зарим хүмүүс "хаах ёстой, тодорхой цензур байх ёстой” гэж үзэж байгаа бол зарим нь “хүний хүссэнээ үзэх эрхэнд халдлаа” хэмээн үзэж буй юм.

Харин одоогоор порно сайтууд руу ороход дараах анхааруулга гарч ирж байна. “Доорх сайтууд нь "Зохиогчийн эрх болон түүнд хамаарах эрхийн тухай хууль", “Садар самуунтай тэмцэх тухай хууль”, “Хүүхдийн эрхийг хамгаалах тухай хууль”, “Зар сурталчилгааны тухай хууль”, “Эрүүгийн хууль”, “Өрсөлдөөний тухай хууль”, “Хэрэглэгчийн эрхийг хамгаалах тухай хууль”, тус хорооноос баталсан журам, нөхцөл шаардлага болон Монгол улс нэгдэн орсон олон улсын гэрээ, конвенцуудыг зөрчсөн үйл ажиллагаа явуулж байгаа тул Оюуны Өмчийн Газрын улсын байцаагчийн дүгнэлт, эрх бүхий байгууллагын дүгнэлт, шийдвэрээр Монгол Улсаас хандах хандалтыг нь хязгаарлах арга хэмжээг авсан болно.

Зөрчлийг арилгасан тохиолдолд Оюуны Өмчийн Газрын Улсын байцаагчийн дүгнэлт, эрх бүхий байгууллагын шийдвэрээр доорхи жагсаалтаас хасч хандалтыг нээх боломжтой” гэжээ.