Гадаадын жуулчид усанд осолдохоо шахжээ

Өнгөрсөн баяр наадмын өдрүүдэд ОБЕГ, НОБГ-ын авран хамгаалагчид ачаалалтай ажилласан тухайгаа мэдээллээ. Тухайлбал, үер, усны аюулд өртөгсдийн тоо буураагүй гэнэ. Мөн аялал, зугаалгатай холбоотойгоор галын дуудлага буурахгүй байгааг сэрэмжлүүлж байна.

Тодруулбал,Баянгол дүүргийн 1 дүгээр хороо, Богд арын 10 дугаар байрны орцонд газ үнэртээд байна гэсэн дуудлагыг 22:38 цагт өгсөнөөр Аврах ангийн аврах шуурхай салбарыг гаргахад 1 давхарын цахилгааны шитний доор хэрэглээний газ байсныг аюулгүй болгожээ.

Мөн Төв аймгийн Мөнгөн Морьт сумын Бүрхийн голд гадаадын иргэдтэй 2 автобус суусан гэх дуудлагыг 14:45 цагт өгснөөр Багануур дүүргийн Онцгой байдлын хэлтсийн 5 алба хаагч 15:50 цагт очиход 80-н гадаадын жуулчин суулгасан Хюндай загварын хоёр автобус голд суусан байсныг татаж гарган Багануур дүүрэгт хүргэжээ.