“Дэлхийн хамгийн үнэтэй инээмсэглэл”

Дубай дахь Liberty Dental хэмээх шүдний эмнэлэг дэлхийд хамгийн үнэтэйд тооцогдох инээмсэглэлийг бий болгох үйлчилгээг үзүүлж эхэлжээ. Авагддаг алтан шүдэн дээр тэр чигээр нь алмаас эрдэнэ шигтгэсэн агаад үнэ нь “ердөө” 153 мянган доллар гэнэ. Энэхүү шинэ үйлчилгээг санаачилсан хүмүүс Гиннесийн амжилтын номд оруулах талаар саналаа хүргүүлжээ.

“Хамгийн үнэтэй инээмсэглэл”-ийг үйлчлүүлэгчдийн захиалгын дагуу эмнэлгийн мэргэжилтнүүд хийж гүйцэтгэх юм. Энэхүү шүдний бүрмэлд 10 грамм алт, 2,5 каратын 160 ширхэг алмаас эрдэнэ орж байгаа аж. Эмнэлгийн захиргаа шүдний бүрмэлд орох алт болон үнэт чулууны чанарын батламж бичгийг Бельги дэх Олон улсын геммологийн хүрээлэнгээс авчээ.

Одоогоор Арабын Нэгдсэн Эмират Улсын иргэн эмэгтэй, мөн Катарын иргэн эрэгтэй одоогийн байдлаар тус эмнэлэгт хандан захиалга өгөөд байна.