Месси дэлхийн аварга болохыг хүсч байна

“Барселона” болон Аргентины шигшээ багийн довтлогч Лионель Месси удахгүй болох Дэлхийн аварга шалгаруулах тэмцээнээс чухам юуг хүлээж байгаагаа өгүүлжээ.

“Надад нэг л зорилт бий. Байнга хөгжиж дэвшин, шинэ амжилтуудад хүрэх. Би өөрийгөө маш их шүүмжилдэг хүн. Удахгүй болох тэмцээнд Нэймар, Хави, Иньеста, Криштиану Роналду, Роббен зэрэг олон сайн тоглогчид ирж оролцоно.

Би дэлхийн аварга болохыг хүсч байна. Гэхдээ шилдэг нь болох гэж биш шүү. Харин Аргентины шигшээ шилдэг нь гэж хэлүүлэхийг хүсч байна. Өнгөрсөн дэлхийн аваргатай харьцуулах юм бол би илүү чадваржиж, хөгжсөн. Дээр нь би аав болсон. Би хүүтэй болсон. Бүх муу муухай зүйл ард үлдлээ” хэмээн Месси ярьжээ.