“Эрдэнэт” үйлдвэрийнхэн нийгмийн асуудал хариуцсан захирлаа хайж байна

Монгол улсын “саалийн үнээ”, “Эрдэнэт” үйлдвэрийн удирдлагуудыг тойрсон мэдээллийн “бор шувуу” нисэн бууж байна. Хүний нөөцийн даргаа халсан сольсон, төсвийн мөнгө буруу зарцуулсан гээд л хөвөрлөө. Тэгвэл үйлдвэрийн нийгмийн асуудал хариуцсан орлогч захирал н.Сувдаа өөрийн хүсэлтээр үү, өрөөлийн хатгаасаар уу бүү мэд ямар ч байсан зорилго нэгт удирдлагын багынхаа талаар “алтан хошуу”-г төрийн өндөрлөгүүдэд өргөж, “Даваацэрэн, Даваасамбуу хоёр...” гэж муулан өөрөө ерөнхий захирал болъё гэж дээгүүр доогуур гүйж байгаа сурагтай.

Гэтэл Сувдаа захирлын нийгмийн асуудлууд шийдэх захирлаа хүлээн, нилээд хүндэрчээ. Эрдэнэт үйлдвэрийн охин компани, ажилчдын ажлын хувцсыг оёдог Эрдсүлж компанид тэрбум гаруй төгрөгийн асуудал үүсч,нийтийн хоолны цехээс олон сая төгрөг дутаж, захирлаа хүлээсэн өндөр настнууд, үйлдвэрийн ажилчдын оочер нэмэгдэн, ажилчдад халуун хоолоор үйлчилдэг компаниудыг сонгон шалгаруулах тендер одоо хүртэл будлиантай, эцэслэн дуусаагүй байгаа гэнэ. Захирал хатагтай өөрөө тендерийг “будлиантуулсан” гол эзэн нь гэж хүмүүс ярилцаж суугаа гэнэ шүү. Нийгмийн асуудлууд үүгээр зогсохгүй “Энэрэл” төвийн хүүхдээ зоддог багшийн тухай гээд албаны ажлаа хойш тавьсан Сувдаа захирал нийслэл хүрээнд ажиллаад завгүй байгаа хойгуур хөвөрсөөр. Орон нутгийн ИТХ-ын жирийн нэг төлөөлөгчөөс дэлхийд дээгүүрт орох Эрдэнэт үйлдвэрийн Нийгмийн асуудлыг хариуцсан орлогч захирлын хариуцлагатай албанаас дээгүүрт хувийн эрх ашгаа тавин “хувьсгалтай” хольж намчирхан, улс төржиж боломгүй баймаар.

Монголчууд эртнээсээ л урваач, шарваач нарт дургүй улс. Эрдэнэт үйлдвэрийн ажлыг сайжруулах үүрэг авсан удирдлагын багаа, ерөнхий захирлаа муу хэлэн, элдвийн “хов базаж” яваа н.Сувдаа захирлын хүсэл их, ухаан богино бололтой.
Ийм л явдалтай хүүхэн Орос, Монголын хамтарсан Эрдэнэт үйлдвэрийг авч явж чадах уу та минь ээ.