Эрчүүдийг араасаа гүйлгэх алтан дүрэм

Уулзсан эрчүүдээсээ “баяртай” гэсэн үгийг түрүүлж сонсдоггүй “ховорхон” эмэгтэй байхад хэд хэдэн зүйл дээр анхаарах хэрэгтэй. Мэдээж үүнд бүх эрчүүдийн гаргадаг нийтлэг араншинд тохирсон “ов, мэхүүд” байгаа. Эмэгтэй хүнд аз биш ов дутдаг аа гэж. Хэрэгжүүлээд үзэхэд алдахгүй шүү.

Илүү натурал харагд
Итгэх эсэх нь чиний л хэрэг. Гэхдээ бүсгүйн натур төрх эрчүүдийг галзууруулдаг. Тод өнгийн үсний будаг, хацар өнгөлөгч, галзуу нүүр будалт зэргээс илүү ягаахан уруул, үл ялиг улаа бутрах хацар, зөөлөн бор үс л тэдний сэтгэлийг хамгийн ихээр хөдөлгөдөг. “Будаггүй уруулын амт Булбарайхан чиний минь төрх” гээд дуу хүртэл байна шүү дээ.

Хэт их хичээх хэрэггүй
Хэтэрхий их хичээж, өөрт эвгүй хувцас өмсөж, сэтгэл хөдлөлөө хянаад байх юм бол тэр чамаас зайгаа барьж эхэлнэ. Өөрөөр хэлбэл ингэх нь түүнийг айлгаж орхидог. Байгаагаараа байх нь чамд ч амар биш гэж үү. Хүсч байгаа зүйлээ хэл. Чичрээд байгаа мөртөө даарахгүй байна гээд суухын оронд “Би даарч байна” гэж мэдрэмжээ хуваалц л даа. Тэр чамайг дулаацуулахыг хүсэх нь гарцаагүй.

Хэтэрхий олон чимэг зүүсгэл хэрэггүй
Түүний сонирхлыг татаж, гайхамшигтай харагдахыг хүсэхдээ өөрийгөө шинэ жилийн гацуур шиг чимэглэх хэрэггүй. Эр хүмүүс чиний зүүсэн чамин тансаг ээмгийг санахаасаа илүүтэйгээр инээхэд чинь нүд чинь яаж хагас дугуй болчихоод эгдүүтэй харагдсаныг л боддог улс. Түүний хүсэмжит эмэгтэй байхыг хүсвэл “гархи” чамд туслахгүйг сана.

Түүнээс түрүүлж хөдлөх хэрэггүй
Кино үзэх, хоол идэх, машинаас буух зэрэгтээ түүнээс түрүүлж хөдлөхөөс аль болох зайлсхийх хэрэгтэй. Түүнээр хаалга онгойлгуулж, сандал тавиулж, хүнд зүйл өргүүлэхдээ хэзээ ч битгий санаа зов. Яагаад гэвэл чи энэ зэргийг эр хүнээр хийлгэхүйц бүсгүй шүү дээ.

Түрүүлж залгах хэрэггүй
Улиг болсон гэж бодож байж магадгүй ч энэ бол хүн төрөлхтний “туршлага”. Ямар ч үед, ялангуяа анхны болзооны дараа түүн рүү хэзээ ч битгий түрүүлж залгаарай. Эр хүн хүсэх л юм бол өөрөө чам дээр гүйгээд л ирнэ. Мэдээж чи ахиж хэзээ ч залгахааргүй “тэнэг” үйлдэл хийгээгүй бол шүү дээ.

Түүний найзуудад “өгөөмөр ханд”
Эрэгтэй хүнийг найзуудаас нь салгах хэцүү. “Чи намайг эсвэл найзуудаа сонго” гэвэл хэнэг ч үгүй найзуудаа дагаад явчихаж мэдэх л хүмүүс. Тиймээс түүний хувьд эрхэм гэгддэг найзуудыг нь ч гэсэн хүндлэх хэрэгтэй. Бас чөлөөтэй яриа өрнүүлж, өөрийгөө хичнээн ухаалаг, хөгжилтэй болохоо харуулаад ав.

Түүнийг цагдах хэрэггүй
Байн байн хаана, хэнтэй, юу хийж явааг нь асуугаад хэрэггүй. Тэр чамайг өөрөө сонирхох ёстой. Бас түрүүлж хардаж яагаад ч болохгүй. Мэдээж чи түүний эхнэр нь болоогүй цагт энэ бол санах ч хэрэггүй зүйл. Түүнийг яагаад намайг хардахгүй байна вэ гэж санаа зовтол нь тайван байх хэрэгтэй. Яагаад гэвэл чи өөртөө итгэлтэй эмэгтэй. Чи “ховор” бүсгүй учраас тэр чамайг хэзээ ч хуурахгүй гэж бод. Тэр аяндаа тэгэж бодох болно.

Амжилт хүсье хонгоруудаа!

*Манайханд бол эрчүүдийг араасаа чирэхэд Jennifer Lopez шиг шидтэй жигнэмэг ч идэх шаардлага байхгүй гэж бодож байна: