Ким Кардишьян осолд оржээ

Ким Кардишьян автын осолд холбогджээ. 33 настай, реалити шоуны од тэрбээр Калифорниагийн Беверли Хиллз дэх “Sunset Boulevard”-д осолджээ. Кардишьян 100,000 ам.долларын үнэтэй Мэрсэдэс “G Wagon” маркийн машинтайгаа мөргөлдсөн байна. Кардишьян замын уулзвараар эргэх гэж байсан бөгөөд эсрэг зүгээс ирж байсан машины баруун дохио нь асаалттай ч жолооч эргэлгүй шулуун явсан нь ослын шалтгаан болсон гэж “TMZ.com”-д мэдээлж байна. Ким тухайн жолоочтой даатгалын мэдээллээ солилцсоны дараагаар “Беверли Хиллз” зочид буудлаас явжээ. Ослын улмаас хоёр машинд эвдрэл учирсан ч цагдаад мэдэгдээгүй бөгөөд тэдний хувьд бэртэж гэмтээгүй ажээ.