Гал түймрийн дөрвөн дуудлага иржээ

Хоногийн хугацаанд Нийслэлийн Онцгой байдлын газарт объектын гал түймрийн дөрөв, зөрчлийн хоёр, Аврах ажиллагааны хоёр, мэдээллийн нэг дуудлага ирж харъяа аврах анги, дүүргийн Онцгой байдлын хэлтэс, Аврах, гал унтраах ангийн бүрэлдэхүүн шуурхай арга хэмжээ авч ажилласан байна.

Тухайлбал Сонгинохайрхан дүүргийн гуравдугаар хороо, Бага нарангийн 44 дүгээр гудамжинд байшин шатаж байна гэсэн дуудлагыг 11:38 цагт өгснөөр Аврах, гал унтраах 26 дугаар ангийн тасгийг гаргахад 13х10 метрийн хэмжээтэй байшингийн дээврийн хэсэг, үүдний таамбар шатаж байсныг унтраасан.

Баянзүрх дүүргийн 22 дугаар хороо, Өлгийн зургадугаар гудамжинд машин шатаж байна гэсэн дуудлагыг 14:24 цагт өгснөөр Аврах, гал унтраах 63 дугаар ангийн тасгийг гаргахад Портер загварын авто машины доод эд анги, суудлын хэсэг шатаж байсныг унтраасан.

Баянзүрх дүүргийн 10 дугаар хороо, Витсамогийн дөрөвдүгээр гудамжинд байшин шатаж байна гэсэн дуудлагыг 22:35 цагт өгснөөр Аврах, гал унтраах 63 дугаар ангийн тасгийг гаргахад эзэн нь тодорхойгүй 5х4 метрийн хэмжээтэй байшин, эд зүйл шатаж байсныгунтраасан.

Сүхбаатар дүүргийн зургадугаар хороо, МУИС-ын оюутны байрны хажууд хог шатаж байна гэсэн дуудлагыг 02:17 цагт өгснөөр Аврах, гал унтраах 10 дугаар ангийн хоёрдугаар тасгийг гаргахад хог шатаж байсныг унтраажээ.

Б.Цэлмэг