11-р сарын 8-наас импортоор оруулж ирсэн автомашинд Улаанбаатар хотын серитэй дугаар олгохгүй

11-р сарын 8-наас импортоор оруулж ирсэн автомашинд Улаанбаатар хотын серитэй дугаар олгохгүйтэй холбоотой асуудлаар Нийслэлийн Засаг даргын нэгдүгээр орлогч Т.Даваадалай болон Тээврийн Цагдаагийн албанаас мэдээлэл хүргэж байна.

Нийслэлийн Засаг даргын нэгдүгээр орлогч Т.Даваадалай, Улаанбаатар хотын түгжрэл, агаарын бохирдол, зам тээврийн ослын тоог бууруулах зорилгоор Улаанбаатар хотын нийтийн тээврийн улсын бүртгэлийн дугаарын дээд хязгаарыг тогтоох шийдвэр 11-р сарын 8-наас хэрэгжиж эхэлнэ. Мөн 12-р сарын 1-ний өдрөөс үзлэг оношлогоонд ороогүй тээврийн хэрэгслийг замын хөдөлгөөнд оролцуулахгүй.

2023 оны байдлаар Улаанбаатар хот 1.6 сая хүн амтай. Нийт тээврийн хэрэгслийн 39.8 хувийг нийтийн тээвэр эзэлж байна. замын хөдөлгөөний дундаж хурд 7-13 км/цаг буюу маш удаан болсон. Оргил үедээ замын түгжрэлийн урт нийлбэр дүнгээрээ 97.3 км-т хүрч байна гэсэн 2023 оны статистик байна.

Энэ байдлаараа явбал юу болох вэ?
2030 онд Улаанбаатар хотын хүн амын тоо 2 сая хүрнэ. Дээр нь нийтийн тээвэр 25 хувь хүрч буурах, оргил ачаалалтай үеийн замын хөдөлгөөний хурд 5 км/цаг буюу явган хүний хурдтай ижил болох, түгжрэлийн нийт урт 200 км-т хүрэх тооцоолол гарч байна. Мэдээж бид замын түгжрэлийг шийдэх урт болон дунд хугацааны хөтөлбөрийг хэрэгжүүлж байна. Урт хугацааны хөтөлбөр нь метро, дунд хугацааных нь Туул голын хурдны зам, тойрог хурдны замуудын төслүүд хэрэгжиж байна.

Гэхдээ бид энэ өвлийг хэрхэн давах вэ гэсэн шийдлүүд хэрэгтэй байна. НИТХ-аас 2024 оны хоёрдугаар сард Нийслэл хотод олгох тээврийн хэрэгслийн улсын бүртгэлийн дугаарын дээд хязгаарыг тогтоох тухай тогтоол гарч батлагдсан. Энэ тогтоолд “Улаанбаатар хотод олгох тээврийн хэрэгслийн улсын бүртгэлийн дугаарын дээд хязгаарыг 730 мянга байхаар тусгасан. Энэ бол замын түгжрэлийн олон улсыг индексүүдэд үндэслэн баталгаажсан тоо. Гэвч 2024 оны 10-р сарын 22-ны байдлаар Улаанбаатар хотод 785 мянган тээврийн хэрэгсэл бүртгэгдсэн байна. Түгжрэлийг барих ёстой тооцоолол өнөөдөр 55 мянгаар хэтэрсэн байна.
Тиймээс НИТХ-ын 2024 оны 2-р сарын 8-ны тогтоолыг хэрэгжүүлэх хүрээнд нийслэлийн Засаг даргын захирамжийг 2024 оны 10-р сарын 23-нд гарч байна. Тэгэхээр 11-р сарын 8-нээс эхлэн шинээр олгож байгаа тээврийн хэрэгслийн дугаарлалтад тодорхой хэмжээний хязгаарлалт хийнэ.