Баян-Өлгийд нуурын эрэг дээр гэр бүлийн 6 хүн амарч байснаас 5 нь усанд живжээ
![](http://resource4.sodonsolution.org/bataar/image/2024/07/16/paf8epqgjb7i5bn4/Баян-Өлгийд нуурын эрэг дээр гэр бүлийн 6 хүн амарч байснаас 5 нь усанд живжээ.jpeg)
Баян-Өлгий аймгийн Улаанхус сум, 3 дугаар багийн “Шар нохойт” гэдэг газар, “Ногоон” нуурын эрэг дээр 6 хүн амарч байснаас 5 хүн нь нуурын усанд живсэн гэсэн дуудлагыг 07.14-ний өдрийн 17:55 цагт хүлээн авсан байна.
Тус аймгийн Онцгой байдлын газрын алба хаагчид 150 км замыг туулан 22:50 цагт очиход тус аймгийн гэр бүлийн 6 хүн “Ногоон” нуурын эрэгт амарч байснаас иргэн Б нь нуурын усанд сэлж байгаад живэхэд хамт байсан 4 хүн нь аврахаар ороод живсэн байсан тул уснаас эрэн хайх ажиллагааг зохион байгуулж, мөн өдрийн 22:55 цагт иргэн А/43 настай, эмэгтэй/, Б/30 настай, эрэгтэй/ нарын цогцсыг, 07.15-ны өдрийн 05:56 цагт иргэн А/36 настай, эмэгтэй/, 06:02 цагт иргэн А/21 настай, эрэгтэй/, 14:25 цагт А/43 настай, эрэгтэй/ нарын цогцсыг тус тус олж гарган тус сум дахь Цагдаагийн хэсэгт шилжүүлэн өгсөн харамсалтай хэрэг гарчээ.
СЭТГЭГДЭЛ БИЧИХ
СЭТГЭГДЛҮҮД